Konferentsiya dasturi

2022 yil uchun dastur konferentsiya boshlanishidan oldin joylashtiradi

Konferentsiya materiallarini nashr etish

Konferentsiya materiallari Scopus ma'lumotlar bazasi tomonidan indekslangan jurnalida nashr etiladi

Maqolalarni yozish va rasmiylashtirishga talablar:

Konferensiyada ishtirok etish uchun tugallangan ilmiy-tadqiqot ishlari asosida ingliz tilida ravon yozilgan va quyida ko‘rsatilgan talablarga mos keladigan maqolalar qabul qilinadi. Taqdim etilgan materiallar original va konferensiyaning yo‘nalishlariga mos bo‘lishi kerak.

• Maqolalar tanlangan nashriyot tomonidan taqdim etilgan namuna bo‘yicha va talablarga qat’iy amal qilgan holda rasmiylashtirilishi kerak;
• Maqolalar ingliz tilida ravon yozilgan bo‘lishi kerak (xato va g‘aliz tarjima qilingan maqolalar chetlashtiriladi);
• Maqola hajmi 4-6 bet oralig‘ida bo‘lishi kerak (kamida to‘liq 4 bet).
• Maqolada quyidagi bo‘limlar bo‘lishi kerak: abstract, key words, introduction, methods, results and discussion, conclusion va h.k;
• Havolalar nashriyot talablariga qat’iy amal qilgan holda rasmiylashtirilishi kerak (konferensiya saytidagi namunalarga qarang), indeksatsiyalanadigan halqaro bazalardagi chop etilgan ishlarga havolalar qilish tavsiya etiladi;
• O‘lchov birliklarini ko‘rsatishda halqaro standart o‘lchov birliklardan, o‘nli kasrlarni ko‘rsatishda esa nuqtadan foydalaning (masalan, 0.002).
• Foydalanilgan adabiyotlar ro‘yxatida mualliflar ko‘pi bilan 2 ta o‘z maqolalariga havolalar qilishiga ruxsat etiladi.

Barcha maqolalar taqrizdan o‘tkazilib, ko‘chirmachilik (plagiat) va ortiqcha o‘ziga-o‘zi havola berish hamda rasmiylashtirishga mosligi va originalligi bo‘yicha tekshiriladi. Taqrizdan oʼtgan maqolalar Scopus bazasida indeksatsiyalanadigan jurnallardan birida chop etish uchun qabul qilinadi. Koʼchirmachilik (plagiat)ga tekshirish yakuniy bosqichda toʼlov qilingandan soʼng jurnal muharrirlari tomonidan amalga oshiriladi. Shu sababli ko‘chirmachilik (plagiat) aniqlanib chetlashtirilgan maqolalarning badal pullari mualliflarga qaytarilmaydi.

Chop etishga yuborilgan maqolalarni yozishning rasmiy tili – ingliz tili. Konferensiya yakuni bo‘yicha maqolalar scopus bazasida indeksatsiyalanadigan jurnalda chop etiladi. Konferensiyada bevosita va sirtdan ishtirok etadigan barcha ishtirokchilar jurnalda chop etish uchun maqolalarini Morressier sistemasi orqali taqdim etishlari so‘raladi. Morressier dastur qo'llanmasi

Konferentsiya materiallari shablonlari

• Konferentsiyaga taqdim etilgan maqolalar dizayni uchun shablon (til - ingliz tili)
• Konferentsiyaga taqdim etilgan maqolalar dizayni uchun shablon (til - rus)
• PDF formatidagi misol
• Adabiyotlar ro'yxatini tuzish qoidalari



Maqolani yuborishda, shuningdek, to'ldirilgan anketa faylini MS Excel formatida yuborish shart

Konferentsiya natijalari

Konferentsiya natijalari materiallar chop etilgandan so'ng joylashtiriladi.